കുട്ടികളുടെ സര്‍ഗവാസനകളെ കണ്ടെത്തി അവയെ പരിപോഷിപ്പിക്കുക എന്ന ലക്ഷ്യവുമായി നൂതന പരിപാടികള്‍ ആവിഷ്കരിച്ചു നടപ്പില്‍ വരുത്തുന്നതില്‍ എന്നും അഭിമാനിക്കുന്ന വിദ്യാലയമാണു പെരിങ്ങോട് എ എല്‍ പി സ്കൂള്‍. പാഠ്യപദ്ധതിയുടേയും പ്രവര്‍ത്തിദിനങളുടേയും കളങ്ങള്‍ക്ക് അപ്പുറം ഒഴിവുദിനങ്ങളെ പ്രവര്‍ത്തി ദിനമാക്കി മാറ്റുന്ന ക്യാമ്പുകള്‍ കുട്ടികളില്‍ പഠന പാ‍്യേതര പ്രവര്‍ത്തനങ്ങളില്‍ കൂടുതല്‍ ആത്മവിശ്വാസമുളവാക്കുന്നു എന്ന തിരിച്ചറിവില്‍ നിന്നാണു ഞങ്ങളുടെ തനതു പരിപാടികള്‍ രൂപപ്പെടുന്നത്. പുഞ്ചപ്പാടം വേണുമാഷുടെ നേത്രുത്വത്തില്‍ നടന്ന ഗണിത ക്യാമ്പിന്റെ വിജയത്തിനു തൊട്ട് പുറകെ ഒരു പ്രവര്‍ത്തി പരിചയ ക്യാമ്പ് കൂടൂതല്‍ ആവേശകരമായി. കരകൌശല ഉല്പന്നങ്ങളുടെ നിര്‍മാണമേഖലയില്‍ പാലക്കാട് ജില്ല്യുടെ അഭിമാനമായ കാറല്‍മണ്ണ പ്രസാദ് മാസ്റ്റര്‍ ആണു ക്യാമ്പിനു നേത്രുത്വം നല്‍കിയത് 5.10.2013 ശനി കാലത്ത് പത്ത് മണിക്ക് ഹെഡ് മിസ്ട്രസ്സ്ശ്രീമതി സൂര്യഭായ് ടീച്ചറുടെ അധ്യക്ഷതയില്‍ പി ടി ഏ പ്രശിഡണ്ട് കെ ക്രിഷ്ണദാസ് ക്യാമ്പിന്റെ ഉദ്ഘാടനം നിറ്വഹിച്ചു. സ്കൂള്‍ പ്രവര്‍ത്തിപരിചയ ക്ലബ് ചുമതലയുള്ള അധ്യാപിക സീതാലക്ഷ്മി സ്വാഗതവും സ്റ്റാഫ് സെക്രട്ടറി എന്‍ എന്‍ ജയനാരായണന്‍ നന്ദിയും പറഞ്ഞു. തിര്‍ഞ്ഞെടുക്കപ്പെട്ട 35 കുട്ടികള്‍ പങ്കെടുത്ത ക്യാമ്പില്‍ അവധി ദിനം ആയിട്ടു പോലും രക്ഷിതാക്കളുടേയും അധ്യാപകരുടേയും സാന്നിധ്യം ശ്രധേയമായിരുന്നു. കാടല്‍മണ്ണ പ്രസാദ് മാസ്റ്ററൂടെ നേത്രുത്വത്തില്‍ കുട്ടികള്‍ പലതരം പൂക്കള്‍ ഫ്ലവര്‍വേസ്, കിളികള്‍ തുടങ്ങി നിരവധി ഉലപന്നങ്ങള്‍ തയ്യാറാക്കി. പാവനിര്‍മ്മാണം , വേസ്റ്റ് മറ്റീരിയല്‍ ഉല്പന്നങ്ങള്‍ എന്നിവയും പരിചയപ്പെട്ടു . 4 മണിക്കു ക്യാമ്പ് അവസാനിക്കുമ്പോഴും പുതിയ അറിവുകള്‍ നേടാനുള്ള തിരക്കിലായിരുന്നു ഏവരും .
· Updated 46 minutes ago
അഭിപ്രായങ്ങളൊന്നുമില്ല:
ഒരു അഭിപ്രായം പോസ്റ്റ് ചെയ്യൂ