ഏറ്റവും വലിയ സമ്പാദ്യം:- മാര്‍ച്ച് 31. ഒരു ബാചിന്റെ ക്ലാസ്സ് അവസാനിക്കുന്നു.അവര്‍ ഇനി അടുത്ത കൊല്ലം നാലാം ക്ലാസ്സില്‍ ആണു. ഞാന്‍ 3ല്‍ തന്നെ തുടരുന്ന രീതിയാണു എന്റെ സ്കൂളില്‍. ക്ലാസ്സ് കഴിയാറാകുമ്പോള്‍ ഓരോ കുട്ടിയും എന്റടുത്തു വരുന്നു.ചിലര്‍ വെക്കേഷനില്‍ ചെയ്യാന്‍ പോകുന്ന കാര്യത്തെ കുറിച്ച് പറയുന്നു. ഒരു കുട്ടി പറഞ്ഞു “എനിക്കു തോല്‍ക്കണം”അതെന്താ ? ഞാന്‍ ചോദിച്ചൂ.“എന്നാല്‍ അടുത്ത കൊല്ലവും മാഷുടെ ക്ലാസില്‍ പഠിക്കാലോ”എന്നായിരുന്നു അവളുടെ നിഷ്കളങ്കമായ മറുപടി.കൂട്ടത്തില്‍ ചിലര്‍ മനോഹരമായ ആശംസാ കാര്‍ഡുകളും ,കത്തുകളും ,മിഠായിയും ,ഷേക് ഹാന്റ്റും ഒക്കെ തന്നു അതില്‍ ഒരു കത്ത് ഇങ്ങനെ.........ഈ നിഷ്കളങ്ക സ്നേഹത്തെക്കാള്‍ വലുതല്ല ഏതു വലിയ അംഗീകാരവും.(എഴുതാന്‍ തുടങ്ങിയ ഈ 8 വയസ്സുകാരിയുടെ കത്ത് യാതൊരു തിരുത്തലും വരുത്താതെ അതേപടി പോസ്റ്റ് ചെയ്യുന്നു. അതിലെ നിറഞ്ഞു നില്‍ക്കുന്ന ആത്മാംശം നോക്കൂ.....
